Noy kulas: Didto na mahigugma sa lalake

I am just browsing the internet now, since i do not have any ideas on what to post, let me share to you something I've read about a tainted love. I've read this online at the Kalingawan of Superbalita.





Dear Noy Kulas,

Maayong adlaw diha kanimo. Itago lang ko sa ngalang Mark. Akong suliran about sa akong life nga ambot kon sakto ba or di.

Dapat matured na man unta kog edad kahibawo na man unta ko kon unsay sayop ug unsay sakto. I’m 26 years old, working na as office administrative staff sa usa ka dakong kompaniya.

Sa batan-on pa ko, six years ago, naa koy uyab for almost six years sab. Naa na miy usa ka anak but unfortunately wa mi magkadayon sa girl nga inahan sa bata. Niadto man gung higayuna, I was still a student. Then gisungog ko sa panahon nga wa gyud ko kakita og trabaho.

Ambot kon unsa nga wa gyud mi magkasinabot ug nagkalalis mi about ana ug nakadisesyon mi nga magbuwag. Ang girl naa na sa America kay naminyo og Kano ug gidala ang among anak. Wa na ko makadungog og balita about nila. Sakit na kaayo. Ako serious ug disidido na sa paghimo og pamilya sa bisan unsa nga paagi but wa ako niya hatagi og chance. Ang story about sa girl ug sa akong anak ako nang gikalimtan ug sa hinay hinay ko ni move-on. I dated many girls, nag-uyab-uyab nga di seryuso aron lang mawala ang kasakit nga akong gibati sa nahitabo.

I know sayop kay daghan ang nasakitan sa akong gipangbuhat kay sila seryuso diay samtang ako wa maghimong serious sa relasyon. Sa kadugay I decided nga di na ko magbinuang.

Paglabay na sa panahon naa koy naila-ila nga usa ka guy. Friend ni siya sa ako sab nga high school friend. I know bisexual siya apan di mailhan. Didto nagkasuod mi og maayo and then akong gi-share akong mga problems about sa nahitabo kay he really listened to me. Wa ko magdahom nga nahigugma na diay ko kaniya. Happy ko sa iyang kiliran kon magkauban mi. Didto niya akong nalimtan ang akong past. Love kaayo nako siya.

Naa gani siyay mga friend nga gay nga suya kaayo niya nga naa pa diay kunoy true love these days. And I’m serious sa iyaha. Naa koy girlfriend nga usa ka model apan wa man koy feeling ug kaniya man nuon nako na-feel ang love nga akong gipangita. Nakonsensya ko, akong gibuwagan akong girlfriend. Sayop ba ni, Noy?

Ambot wa ko makasabot sa kong na-feel karon nga naglibog ko. Bayot ba ko? Makigrelasyon ba ko sa usa ka same sex, means bayot na? Sa akong kahimtang karon ako lang gisunod kon asa ko malipay. Gisunod ko lang ang gipitik sa akong kasingkasing. Kon moabot ang panahon, di gyud ko magmahay. I know daghan ang maka-relate sa akong problema and I hope mahatagan ko nimo sa sakto nga tambag, Noy Kulas.

MARK

Mark,

Di pa ko makaingon nga bayot ka na tungod kay nahigugma ka na sa usa ka lalake. Kay una pa man sab nang nahitabo kanimo ug wa ka pa sab maibog og laing lalake. Posibleng ingon niana ang nahitabo kanimo tungod kay diha lang kaniya nimo nasugatan ang tawo nga kahibawo maminaw kanimo nga wa mo masugati sa imong mga amiga kanhi. Na-share nimo ang imong mga suliran hinungdan nga na-develop ang imong pagbati ngadto kaniya.

Hinuon posibleng sa ngadto ngadto mahingpit kang bayot kay nakagusto ug nakigrelasyon ka na man og same sex. Busa di layo ang posibilidad nga mahingpit kang bayot.

Di man sab ko moingon nga sayop ang imong gibuhat nga nakigrelasyon kag sama kanimo nga lalake. Although nga kon norm sa katilingban ang hisgutan, no-no man gyud nang mao nga relasyon apan sa ako nang gikaingon di ko gustong mo-judge og act sa usa ka tawo. Tinuod daghan kaayo ang close gays ug mga lalakeng dunay same sex nga relasyon nga ilang gitago tungod kay mauwaw sila. Tungod man gud kay wa pa ni madawat sa atong society ug ang mosud o naa na sa sud niini nakasinati og social stigma. Kay bisan gani ang ilang kaugalingong pamilya di man makadawat kay mauwaw.

Apan kon unsa ang imong kalipay ug asa ka makabaton og kalinaw, mao ni ang sunda. Sakto man gani ang pagpakigbuwag nimo sa imong girlfriend tungod kay wa ka na may gugma kaniya niadtong higayuna.

But, mas maayo sab nang magpa-counseling ka aron mas makakita ka gyud sa sitwasyon sa imong kinabuhi karon.

Pag-ampo kanunay sa Ginuo nga giyahan ug lamdaghan ka. I know ang imong kasingkasing ug huna-huna nagkinahanglan og kalinaw ning krisis karon sa imong kinabuhi. Naa kanunay ang Diyos magtubag sa atong panginahanglan Kaniya kon ikaw mosangpit. Diha Kaniya matubag mo ang imong mga pangutana sa kaugalingon ug kinabuhi.

Timan-i sab nga ang yawa mayo kaayong moduwa sa atong kaugalingon, labi na kon naa kita sa krisis ug kaguol.

NOY KULAS